Published On: Sab, Gen 30th, 2016

Lettera di Angelo Canessa al sindaco di Rapallo: «ridate a Vico De Andrè il nome “della Corte”»

Da Angelo Canessa, presidente del comitato esecutivo per l’associazione culturale “Liguri Antighi – I Rapallin”, riceviamo e pubblichiamo il testo della lettera inviata al sindaco Carlo Bagnasco:

“Sciû Scindicu de Rapallu,

scià truviâ stränu che ghe scrivu in questu moddu, ma u l’è u moddu chi l’àn incumensòu a parlâme mæ mamà e mæ papà scin da-i primmi anni da vitta. Ciù o menu u l’è u dialettu chi l’àn imparòu e parlòu, senza scrîvilu, quexi tutti quelli da mæ etæ, nasciùi e visciùi a Rapallu e, primma de lu, i poæ e moæ, i messiavi e madonnæ.

Ho pensòu che, scrivendughe in questu moddu, Voscià o, se scià g’avesse quarche difficultæ a lezzime, cun l’aggiuttu de quarche Seu ertu Cullaburatû, figgiu de Rapallin chi parlavan u dialettu (creddu che quarchedun u ghe duvieiva ancun ëse), scià purrieva ëse fòscia ciù inveuggiòu a riflette e a riseive e cöse che ghe chiedemmu.

Segundu nuiätri dell’Assuciaziun Liguri Antighi – I Rapallin, i sun cose importanti assæ che, a nostru päi, i nu presentan nisciunn-a difficultæ ad ëse realizzè in relasiun a speisa, ch’emmu zà chiestu ai Scindaci che gh’è stætu primma de Voscià, ma che nisciun de lu u s’è degnòu de piggiâ in cunsciderasiun.

E, cuscì, àua, semmu de neuvu a chiedde e mæxime cöse a Voscià, sperandu in ta Seu dispunibilitæ, in-tu Seu bun cheu, in-tu Seu amû pe-a stoia e a cultua de Rapallu, in ta Seu cunsciderasiun pe-e memöie e pe quelli Cunçittadin du passòu che, pe l’onû fætu a-u propriu paise, i sun degni d’ëse ricurdæ in sce targhe de seu stradde o de seu ciasse e, ancun, in ta Seu curteize attensciun pe-u nostru cumpitu de fäli ricordâ.

Ghe chiedemmu, pertanto, cun curtexia:

– de vuoi ridâ u numme originaiu de “della Corte” (numme da ciù antiga istitusiun de Rapallu) a-u carugettu cu cullega Caruggiu Dritu a Ciassa du Chiostru da Muxica, intitulandu a Fabrisio De Andrè n’ätro spassiu pubblicu. Nu sulu pe mutivu de precedensa e giustizia, ma anche in memöia de tutte e persunn-e amanti da stoia de Rapallu in vitta o bunn’anime benemeite, cumm’ëan Pier Luigi Benatti e Umbertu Ricci.

– de vuoi fâ ricordâ a Çittadinansa d’aua e dell’avvegnì i dui nostri storici primma dïtti, Pierluigi Benatti e Umbertu Ricci, cun intitulaghe ‘na stradda o ‘na ciassa o n’atru spassiu pubblicu.

– de vuoi istituî ‘na giurnâ in onû de Cristoffuru Culumbu, cunscideròu che i seu antighi i sun visciui in tu quartè de Borzui de Rapallu pe quexi dui seculi primma de passâ a Meconexi, leugu anche questu, a quei tempi, du territoiu de Rapallu.

Au mumentu nu ghe chiedemmu ätru de quellu che aviescimu beseugnu cumme Assuciasiun, c’à s’è impegnâ, cumme scia sà, a fâ quarcösa pe u paise, perché primma de tuttu l’è seu cumpitu, pe
statutu, de pensà a-i Ätri.

Ringraziandu, a saluemmu cun distinsiun.”

La targa oggetto della richiesta

La targa oggetto della richiesta

Displaying 1 Comments
Have Your Say
  1. Gardella Rita ha detto:

    Fabrizio De Andrè è stato un Grande…titolare un vicoletto a Suo nome mi sembra un insulto. Dovrebbero dedicargli una piazza!

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>